Ferhenga Têgehên Bedenê
KurteVan salên dawî gelek
xebatên girîng têne kirin li ser ferhenga kurdî. Her ku ew xebat têne kirin,
dewlemendîya zimanê kurdî derdikeve pêş. Ev xebata li ber destê we jî yek ji
wan xebatên girîng e ku li ser ferhenga kurdî hatîye kirin. Heta niha di kurdî
de ferhengeke xweser li ser peyvên ku ji laşê mirov çêdibin nehatîye kirin.
Nivîskar piştî xebata heft salan ev ferheng raberî xwîner û ferhengnasên kurdî
kir. Ev ferheng bi deh hezaran peyvên ji laşê mirov çêbûne di nava xwe de
dihewîne.
Yek ji girîngiya vê
ferhengê ew e ku peyvên ji hemû zaravayên kurdî di xwe de digire.
Em di wê bawerîyê de ne
ku ev ferheng dê sûdeke mezin bide zimanê kurdî û dê dewlemendîyeke bêhempa ji
dewlemendîya zimanê kurdî zêde bike. Em hêvî dikin ev ferheng di warê
zimannasiyê (languistic) de jî bibe sedema lêkolîn û lênêrînê.
Em dizanin di deryaya zar
û zimanê Kurdî de, hê gelek peyv û bêje mane ku li çapên ferhengan zêde bibin.
Di salên pêş de dê bi xebatên xemxurên zimanê kurdî gelek peyv dê lê zêde
bibin, ji ber ku ev taybetmendî bi vê berfirehiyê tenê di zimanê kurdî de tê
dîtin û ev jî kevnarî û kûrahiya zimanê Kurdî û gelê kurd nîşan dide li ser axa
ku bi hezaran sal eli ser dijî.