Gotarên Redaksîyona Kurdî II

Kurte

IKMG (Koma Medyaya Serbixwe ya Kurdi) bi armanc û vizyoneka mezin ji bo bi zimanê kurdi berhemên zanistî û girîng ên bi kalite bên afirandin di sala 2010an de bi weşandina rojnameya Le Monde Diplomatique Kurdî dest bi xebatên xwe yên weşangerîyê kir. Weşandina rojnameyeka navneteweyî ya wekî Le Monde Diplomatique Kurdi ji bo weşangerîya kurdî gaveka gelek girîng bû.

Rojnameya Le Monde Diplomatique Kurdî li ser hev 48 hejmar derketin, 30 ji wan matbû yên mayî dijital in. Wek tê zanîn ji % 75ê rojnameyê wergerên Le Monde Diplomatîque a fransî ne, ji % 25ê mayî jî ji alî redaksîyona kurdî dihat nivîsîn an jî ji hin niviskarên kurdî dihat xwestin.

Ev pirtûka di destê we de Gotarên Redaksîyona Kurdî 2 ji wan gotarên ku redaksîyona kurdî bi xwe amade kirine an jî siparîş dane, pêk tê. Gotarên wê piranî li ser bûyerên rojane yên dema xwe ne. Gelek nivîskarên bi nav û deng tê de hene, wekî: Mehmet Bayrak, Hoşeng Sebrî, Vahap Coşkun, Hamit Bozarslan, Ismail Beşikçi, Ilhan Kizilhan, Ferhad îbrahîm, Salimê Casim, Mesut Yeĝen, Hasan Hüseyin Deveci, Ahmet Özer, Bayram Ayaz, Giyasettin Sayan, Mahmut Kilinc, Kemal Sido, Azad Salih, Nezir Akyeşilmen, Abdullah Kiran, Sedat Yurtdaş, Riza Dinç, Cemil Gündoğan, Volkan Balman, Recep Maraşlı, Marwan Osman, Khoshawe Kamal Mohammed.