Selpakfiroş
Kurte Piştî 11 salan, ji bo nifşê nû ji nû ve Selpakfiroşa Kawa Nemir!
“Hemû peyvên ku ez dibêjim,
Û peyvên ku ez dinivîsim tev,
Divê baskên xwe fireh vekin bê westan tim,
Û her û her bifirin ref bi ref,
Ta ku bêne cîyê ku dilê te yê bi kul î birîn lê ye,
Û ji te re bixwînin bi şev,
Ji wê derê û bi wê de, ku av dikişin bi himehim,
Li jêr tarîya bahozan yan jî stêrk lê hatibin hev.
“Vêca li kû ye nanê me, lo welatê ku kanîyên wî dimiçiqin,
bîrên wî ji bîr dikin me, me nêzîkî gumeguma sarincên vala dikin?
Em çîya bi çîya çûn, gelî bi gelî sernişîv bûn, nîn bû darek.
Em ketin zivingan, ziving bûbûn lanên baçermokan.
Em çûn ser tenûran, agirgehên dawî dikirin fîzan.
Me seyên dirr î beyanî dîtin li axpîn û bintaran.
Vêca li kû ye nanê me zarokên te yên berdar?”
Selpakfiroşa ku çapa wê ya pêşîn di sala 2003’yan de li Stembolê, ji alîyê Weşanên Rewşen-nameyê ve hatibû kirin, ji mêj ve di pirtûkxaneyan de peyda nedibû, lewma jî bi çapeke birêkûpêk, bo cara duyem, piştî 11 salan hat çapkirin da ku ji nû ve bikeve refikên pirtûkxaneyan û nifşê nû yên xwînerên helbesta Kurdî bikaribe beşeke girîng a kelepora helbesta Kurdî ya vê serdema zêrîn a dîyarkirî bixwîne.