Şerefa Ristem Keya
KurtePirtûka kurteçirokan a 2'yan a M. Emin Bozarslan e. Pirtûka wî ya kurteçirokan a pêşin "MEYRO" bû ku, cara pêşin di sala 1979'an da li Stanbolê hatibû çapkirin. "ŞEREFA RISTEM KEYA", ji 10 kurteçîrokan pêkhatiye. Ev kurteçîrok hemî, di heqê jiyana gelê Kurd a salên 1940'an û 1950'yan da hatine nivîsîn. Ciyê bûyerên ku di van kurteçîrokan da qala wan hatiye kirin, herêma Amedê ye ku, di pêkhatina çandê û folklora Kurdi û toreyên Kurdî da, cîyekî pirr mezin û pirr giring e.
Di hin kurteçîrokan da ji qala biyanîtî û dijheviya navbera gelê Kurd û rejîma Tirkiyê hatiye kirin û zordestiya karbidestên wê rejîmê li ser gelê Kurd hatiye salixdan.
Nivîskarê pirtûkê M. Emin Bozarslan, ji bo zelalkirina maneyên hin peyv û peyvikan, ferhengokek jî nivîsîye û digel pirtûkê çap kiriye. Bi wê ferhengokê, naveroka pirtûkê dewlementir bûye.
"ŞEREFA RISTEM KEYA", demek piştê weşandina wê bi Kurdî, bi zimanê Swêdî hat wergerandin û wergerana wê ya Swêdî di sala 1998'an da derket û di gelek rojname û kovarên Swêdê û Finlandiyayê da, di heqê wê da gelek nivîsarên ecibandinê û pesindanê hatin weşandin.