Seta Firat Cewerî

İçerik

Maria Melekek Bû

“Tu hêrs bûyî, te destê xwe yê rastê kir gurmist û heta ji te hat, te li nîvê neynikê da. Neynik perçe bû û perçak ji rûyê te jî bi neynikê re hat xwarê. Te tavilê destê xwe da rûyê xwe; rûyê te li cihê xwe bû, lê te di destê xwe de êşeke sivik his kir. Te xwe ji ber neynikê neda alî. Te di neynika perçebûyî de li derzên rûyê xwe temaşe kir.”

Derzên rûyê lehengê romanê Daniel, nîşana birîna kûr a dilê wî ye. Bûyerên rojên bihurî dev jê bernadin, dike nake nikare şexsiyeta xwe ya perçebûyî bi ser hev de binîne. Li xwe digere, lê xwe nabîne…

Firat Cewerî, bi estetîkeke edebî û kûraniyeke psîkolojîk dadikeve ruhiyeta lehengên xwe, me dibe cîhana wan a xalî û dike şirîkên êş û azarên wan.

Lehî 

“Ez di nav rastî û xeyalan de dijiyam. Rastî û xeyalên min carina bi hev re mîna babîsokekê li ser serê min radibûn, ez dikişandim û dibirim. Ez carina ji xwe, ji rastiya xwe, ji serborî û bîranînên xwe bi dûr diketim û tenê dema niha dijiyam; carina jî min digot tep û ez li erdê diketim û bi hemû rastiyên xwe dihesiyam. Ev çi bû ya ku hatibû serê min?” Romana Firat Cewerî ya bi navê Ez ê yekî bikujim ku di çapemeniya Kurdî û tirkî de dengekî bilind vedabû û bal kişandibû ser birîneke me ya kûr, vê carê derbasî Lehiyê dibe. Lehî wek dewama Ez ê yekî bikujim bi serpêhatiya hersê karakterên sereke; Dîana, Temo û Nivîskar dewam dike. Temo kî kuşt? Çi bi Dîanayê hat? Nivîskar di rewşeke çawa de vedigevize? Kî û çi bûye sebeba trajediya jiyana van lehengan? Cewerî bi hostetî dadikeve kûraniya ruhiyeta karakterên xwe, bêyî ku alî bigire, balê dikişîne.