Seta Ordîxanê Celîl & Celîlê Celîl 2

Naverok

Sêva Sêling

Di vê pirtûkê da 10 çîrokên kurdî yên berhevkarîyê hene. Ev çîrok bi piranî di salên 70î da li nava kurdên Kafkasyayê hatine qeydkirin. Cara ewil e ku li Bakurê tên çapkirin. Sêva Sêling, Înglîs Çawîş, Çilkezî, Mirîdê Zozanî navên hin ji wan çîrokan in. Kesên ku çîrok gotine gelek ji wan koç kirine, lê zimanê wan yê biteql her maye.

“Xortekî çapik î çeleng anîn hatin, hespê sîyar kirin, meydaneke geleke dirêj dane pêşîyê, pêşîyê jî çem e. Xort pehnî dayê, germa havînê ye, hesp usa kir, bîna birûskê, ça gulekê ji devê topê berdî, hat, hê çem nîvî nekiribû, xu orta çêm da girt, sîyarê xwe avîte nava avê...”

Destanên Kurdî

Di vê pirtûkê da 11 destanên kurdî hene. Ev destan gelek jê, ji vir 50-60 sal berê hatine qeydkirin. Her ku mirov ber bi pêşerojê ve diçe, ekla zimanî xweştir dibe, mirov vê tehma hanê, di van destanan da dibîne. Destana Mem û Zînê, Sîyabendê Silîvî û Xecê, Sêva Hacîya, Binefşa Narîn û Zembîlfiroş hin ji wan destanên xwedî ekl in ku di vê pirtûkê da bi cih bûne.

Gulançkzêrîn

Gulançkzêrîn, gelek çîrok û çîvanokên balkêş û hin destanên navdar di xwe da dihewîne. Destanên di vê pirtûkê da ev in: Evdalê Zeynikê, Ke'r û Kulik, Têlî Hemze û Zembîlfiroş. Keresteyên vê pirtûkê gelek jê ji vir 40-50 sal berê hatine qeydkirin.