Şiêran û Poêman-Emînê Evdal

Kurte

Emînê Evdal bi du awayan helbest çêkirine, yek ji van awayan helbesta serbest û ya din helbesta klasîk e. Piştî Qedrî Can helbestkarê ku di kurmancî de helbesta serbest cerribandiye Emînê Evdal e. Di helbestên wî de bandor û bêhna forma helbesta biqalib hebe jî hewldana wî ya avakirina helbesta serbest hewldaneke hêja ye. Helbestên wî yên serbest hin jê polîtîk û hin jê jî takekesî ne, ew jî wek Qedrî Can sosyalîst-lenînîst e, lê ji Qedrî Can cudatir di helbestê de vegotina Emînê Evdal a helbesta polîtîk nerm û jidil e.

Di helbestên Emînê Evdal de bêtir bajar û war binavkirî û diyarkirî ne; ev war û bajar carinan dibe Lenîngrad, carinan dibe Soçî û carinan dibe Erîvan. Ev taybetmendiya diyarkirina ax, erd û mekanî di hemû wejeya kurmancî ya qafkasî de heye; sedema vê yekê sirgûn û dûrbûna wan a ji welatê wan Kurdistanê ye.