Şihîna Hespên Azad
ÖzetPirtûka Şihîna Hespên
Azad berhemeke ku li ser jiyana Osman Sebrî hatiye nivîsandin. Nivîskar serdema
ku Osman Sebrî tê de jiyaye gelek baş xwendiye, hemû berhemên Osman Sebrî û yên
derbarê wî de hatine nivîsandin xwendine û di encama bêjîngkirina van agahiyan
de ji zarokatiya wî destpêkiriye û heta mirina wî bi uslûb û nirxandina xwe di
tama berhemeke çîrokeke zargotinî de ev berhem pêkaniye. Ev berhem wekî
berhemeke dîrokî ye. Hûnê gelek agahiyên balkêş, dîrokî û tarajîk yên derbarê
Osman Sebrî de ku qet nayên zanîn di vê berhemê de bibînin.
Hûnê di vê berhemê de
darizandina trajîk ya Osman Sebrî ya di
temenekî gelek ciwan ya di Dadgehên Îstîklalê yên Diyarbekirê de bibinin. Hûnê
tevlîbûna wî ya di nava refên Xoybûnê de bibînin. Hûnê bibînin ka piraniya
pêşengên rêxistina Xoybûnê çawa di nava tevgerên sîxurtî de ne. Hûnê bibînin ka
ji aliyê hin pêşengên Xoybûnê ve çi tê serê Osman Sebrî û di encamê de Osman
Sebrî çawa ji Xoybûnê vediqete û Xoybûnê wekî rêxistineke sîxurî dibîne. Hûnê
bibînin ku Frensî çawa wî dişînin surgûnan.
Hûnê dostanî, şer û
jiyana wî ya li gel rewşenbîrên kurd ên wekî Celadet û Rahşan Bedirxan,
Cegerxwîn, Nûrettîn Zaza, Nûrî Dêrsimî û gelek axa û begên ku muhra xwe li wê
serdemê xistine bibînin. Hûnê wan rojên dîrokî bibînin ên ku li gel Celadet
Bedirxan kovara Hawarê derdixistin. Hûnê bibînin ku wî çawa ji bo Kurdistaneke
azad bi dehan gundên bi xêr û bêr li pey xwe hiştine, çawa dest ji mal û
maldariya mezin berdaye, çawa dest ji navdariya axa û begitiyê berdaye û ketiye dûv doza welatekî azad.
Hûnê di vê berhemê de
Osman Sebrîyekî serhildêr ku li hemberî tu kesî serî natewîne; Osma Sebrîyekî
şoreşger û zana, Osman Sebrîyekî ku ji bo evîna xwe ya azadiyê her tiştê xwe
feda kiriye bibînin. Hûnê Osman Sebrîyekî bibînin ku heta kêliyên jiyana xwe ya
dawî dilê wî ji bo Kurdistaneke azad lêdide. Ji bo ku hûn Osman Sebrî baş nas
bikin, ji bo ku hûn trajediyên bi serê wî de hatine bibînin, ji bo ku hûn
îxanetên li hemberî wî pêkhatine bibînin teqez vê berhemê bixwînin.